entrante 7 di òktober
WILLEMSTAD- 8 di ougùstùs 2022 – Ku plaserOfisina di Turismo di Kòrsou (CTB) ta anunsiá reinisio di Air Canada su buelonan direkto pa Kòrsou. Resientemente e aerolínea a anunsiá su skema di wenter pa Kòrsou kual ta inkluí buelonan direkto for di Toronto i tambe Montréal. Esaki ta nifiká ku mas bishitante for di Canada por bishitá nos pais. Canada ta un merkado importante pa Kòrsou ku sigur ta mustrando potensial pa kresementu.
E skema di wenter di Air Canada ta inisiá 7 di òktober 2022 ku 2 buelo pa siman for di Toronto pa Kòrsou. Entrante 19 di desèmber e buelonan for di Toronto lo keda oumentá na 3 biaha pa siman. Pa loke ta trata Montréal, Air Canada lo start 30 di òktober ku 1 buelo pa siman i lo dòbel esaki na 2 buelo pa siman entrante 22 di desèmber 2022. E skema aki ta nifiká ku mas bishitante for di Canada por bishitá nos pais. Na mes momentu e rutanan aki ta brinda mas opshon di biahe pa nos pueblo lokal.
Turismo di Kòrsou ta riba bon kaminda. Tur esfuerso pa Kòrsou ta mas aksesibel pa turistanan, ta den kolaborashon estrecho ku nos partnernan; Curaçao Airport Partners (CAP), Curaçao Airport Holding (CAH) i Curaçao Hospitality & Tourism Association (CHATA) huntu ku aerolíneanan lokal i internashonal.
