Partisipá pa bira e promé Dushi Bario!

Dushi Bario ta un inisiativa di Ofisina di Turismo di Kòrsou (CTB), ku e meta pa duna bèk na un bario dor di trese dilanti e potensial ku e bario por tin. Den forma di konektá lokalnan ku bishitantenan, CTB ta yuda habitantenan di e bario tambe mira e benefisionan di turismo.

Dushi Bario ta e bario ehemplar skohé pa un komishon imparsial di ekspertonan ku ta mira e potensial den su habitantenan, kaminda e habitantenan ta pará habrí pa konektá ku turismo. E proyekto aki ta yuda desaroyá e kapasidat i abilidatnan di e bario i su habitantenan, pa asina huntu forma un bario sostenibel.

Dikon boso bario mester partisipá?

• Oportunidat pa deskubrí e potensial di boso bario
  • Imágen: Fasilidatnan ku por drecha e imágen di bario, kual alabes ta sirbi e habitantenan, manera plantamentu, espasio pa rekreá, i sistema di resiklahe públiko.
  • Kapasitashon: Kreando programa di entrenamentu spesífikamente pa habitantenan di e bario, por ehèmpel pa bira guíanan di bario, embahadornan kultural òf djis pa amplia konosementu.
  • Entrada èkstra: Stimulá residentenan ku ya tin talento den nan man pa traha artesania, kosnan di boka dushi, kuminda, etc pa desaroyá esaki i asina generá mas entrada kuné.
• Oportunidat pa bira ehèmpel positivo pa otro barionan
• Oportunidat pa deskubrí talento nobo den boso bario