organisá pa DER Touristikna diferente siudat na Alemania
WILLEMSTAD- 26 di yüli 2022 – Resientemente representantenan di Ofisina di Turismo di Kòrsou (CTB) a partisipá na un rekorido promoshonal di kuater dia na kuater siudat importante na Alemania kualnan ta; Wiesbaden, Nuremberg, Stuttgart i Cologne. E meta tabata pa re-konektá ku mas di 190 agente di biahe aleman durante un marketplace. Tambe a duna e agentenan di biahe un presentashon interaktivo tokante Kòrsou komo destinashon turístiko. Despues di kada presentashon CTB a tene un kues titulá “Dushi Quiz” pa asina di un forma diferente introdusí e atrakshonnan prinsipal di Kòrsou na e agentenan di biahe.
E rekorido a ser organisá pa DER Touristik, e operador di tour prinsipal na Alemania kual Kòrsou ta traha kuné. Esaki tabata e promé evento ‘live’ ku e operador akí a organisá despues di 2 aña i mei, pa promové destinashonnan den Karibe. Aparte di Kòrsou, e evento a konta ku partisipashon di tres otro isla Karibense.
CTB ta sigui invertí den e tipo di rekoridonan promoshonal aki ku e meta pa oumentá e kantidat di turista di estadia pa Kòrsou.
