Home / Press Releases / Firmamentu akuerdo pa maneho temporal di e área di Koredor

WILLEMSTAD- 3 di mart 2022 – Resientemente a tuma lugá firmamentu di e akuerdo pa maneho temporal di e área di Koredor. E akuerdo a keda firmá entre Gobièrnu di Kòrsou den representashon di Minister di Desaroyo Ekonómiko, Ruisandro Cijntje i Minister di Tráfiko, Transporte i Planifikashon Urbano, Charles Cooper i Ofisina di Turismo di Kòrsou (CTB) representá pa Hugo Clarinda, direktor athunto.

E akuerdo ku a keda firmá ta den kuadro di e desaroyo kontinuo di e área di Zakito ku ta tumando lugá algun tempu kaba pa medio di entre otro e Quick Win Plan ku aktualmente ta den ehekushon. E intenshon ta pa kontinuá ku e desaroyo di e área di Zakito i krea mas fasilidat pa rekreo i deporte pa nos komunidat. Na mes momentu e desaroyo na e área ta ofresé tambe posibilidat pa empleo i pa empresarionan por establesé nan mes.

Ku e akuerdo aki Gobièrnu di Kòrsou i CTB ta fiha e kondishonnan bou di kua ta mantené e área i e fasilidatnan ku tin disponibel pa asina krea un eksperensia úniko i duradero pa tantu nos komunidat di Kòrsou i e turista ku ta bishitá e área.

The CTB presents 2022 Action Plan to the Private Sector
Agreement signed for the temporary management of the Koredor area