Home / Press Releases / Ofisina di Turismo di Kòrsou ta lansa seri “The Dushi Stay Reporter”

WILLEMSTAD- 28 di yüli 2020Ofisina di Turismo di Kòrsou (CTB) e siman aki a lansa un mini seri online bou di e nòmber “The Dushi Stay Reporter”. Despues di reapertura di nos frontera pa algun pais dia 1 di yüli último, CTB huntu ku e vlogger lokal Ramsay Soemanta a desaroyá un seri online dibertido ku ta konsistí di 10 episodio pa asina kompartí e manera nobo pa biaha pa Kòrsou. Na mes momentu ta enfoká tambe riba eksperensianan seif den e era nobo aki di COVID-19.

Ku asistensia di partnernan lokal, Curaçao Airport Partners i sektor privá, Ramsay a sá di kapta kon e industria di hospitalidat a prepará pa yegada di bishitantenan basá riba e protokòlnan ku ta karga e seyo ‘A Dushi Stay, the Healthy Way’. Ta trata aki di e protokòlnan ku a keda desaroyá den kolaborashon estrecho ku Ministerio di Salubridat Públiko, Medio Ambiente i Naturalesa (GMN), Ministerio di Desaroyo Ekonómiko (MEO), Curaçao Civil Aviation Authority (CCAA) i sektor privá.

E seri kual lo keda kompartí via CTB su plataformanan sosial; Facebook, Instagram i YouTube, lo mustra aventuranan di Ramsay rònt nos isla na momentu ku e ta bishitá atrakshonnan, restorantnan i ta embolbí su mes den diferente eksperensia lokal. Miéntras e ta topa i ta entrevistá turistanan ku tei aktualmente di vakashon riba nos pais riba nan eksperensia ku Kòrsou. E propósito di e seri ta pa mustra ku Kòrsou ta habrí pa turismo i ta un destinashon kaminda ku e turista por sintié sigur miéntras e ta disfrutá di su vakashon.

Almost 3000 stayover visitors in first 12 days
The Curaçao Tourist Board Introduces “The Dushi Stay Reporter”