Home / Press Releases / Plakat di mérito pa Eric Wederfoort

WILLEMSTAD- 16 di yüni 2020 – Durante un enkuentro ameno Minister di Desaroyo Ekonómiko, Dr. Steven Martina huntu ku direktor di Ofisina di Turismo di Kòrsou (CTB) sr. Paul Pennicook a entregá sr. Eric Wederfoort un plakat di mérito komo muestra di apresio pa su 65 aña den e mundu di buseo aki na Kòrsou. Sr. Wederfoort ta konosí komo un ikono den e mundu di buseo dunando instrukshon na tantu lokalnan komo na turistanan. Su kontribushon balioso na e industria di buseo sigur meresé elogio. Ta un kantidat grandi di nos bishitantenan for eksterior a siña konosé Kòrsou su bida bou di laman via sr. Wederfoort. Durante di e enkuentro, tantu Minister Martina komo sr. Pennicook a gradisí sr. Wederfoort pa su trabou meritorio na adelanto di e industria di buseo i turismo en general. Sr. Wederfoort na su turno a gradisí pa e gesto i a indiká ku miéntras e tin bida i salú i ku sosten di su famia e lo sigui duna su kontribushon na e industria di buseo pa hopi aña mas. Danki sr. Wederfoort!

Curaçao Tourist Board Introducing “A Dushi Stay, the Healthy Way”
Plaque of Merit Handed to Eric Wederfoort