Divi Divi Air a inougurá ofisialmente su ruta nobo Kòrsou – Aruba – Kòrsou

April 24, 2018

WILLEMSTAD – 23 di aprel 2018 – Resientemente e kompania di aviashon Divi Divi Air a kuminsá bula entre Kòrsou i Aruba. E inougurashon ofisial a bai den un ambiente masha ameno na Aeropuerto Internashonal Hato. Durante di e resepshon a hiba palabra, Minister di Tráfiko, Transporte i Planifikashon Urbano, Zita Jesus-Leito, Minister di Desaroyo Ekonómiko, Dr. Steven Martina, CEO di Divi Divi Air, sra. Germaine Richie-Durand i Director Marketing Air Service & Tourismdi Curaçao Airport Partners, sra. Peggy Croes.

Divi Divi Air ya a konsolidá su mes durante último añanan konektando Kòrsou i Boneiru. E ruta nobo aki lo aportá positivamente na e konekshon aéreo entre e islanan ABC. E buelonan lo ser efektuá tur dia ku un Twin Otter ku un kapasidat di 19 stul. Ministerio di Desaroyo Ekonómiko, Ministerio di Tráfiko, Transporte i Planifikashon Urbano, Ofisina di Turismo di Kòrsou (CTB), Curaçao Airport Partners (CAP) i Curaçao Hospitality and Tourism Association (CHATA) ta deseá Divi Divi Air tur klase di éksito ku e ruta nobo.

Most recent