WILLEMSTAD – 10 di novèmber 2026 –Ofisina di Turismo di Kòrsou (CTB) ta informá ku durante òktober 2026, Kòrsou a risibí 68.162 turista di estadia, 12% mas ku na òktober 2025. E turistanan a yega for di diferente merkado, e kresementu di mas grandi a bini for di Sur Amérika (+26%), Karibe (+18%) i Nort Amérika (+15%).
Resultado di òktober:
Durante òktober 2026, Korsou a registrá 68.162 turista di estadia, kompará ku 61.014 na òktober 2025. E turistanan aki a keda 543.192 anochi na Kòrsou, un oumento di 11%, ku un estadia promedio di 8.0 anochi, meskos ku na òktober 2025. Yegadanan for di Sur Amérika a subi ku 26%, Karibe ku 18%, Nort Amérika ku 15% i Europa ku 2%. Pa loke ta trata akomodashon, 55% di e bishitantenan di estadia a skohe pa resort hotels, miéntras 45% a opta pa otro opshon di akomodashon. E kantidat di turista krusero a totalisá 73.705 pasahero riba 23 bishita di barkunan krusero, kompará ku 53.360 pasahero riba 22 bishita aña pasá.
Prestashon tòp 3 merkadonan na òktober 2026:
Hulanda ta sigui ta Kòrsou su merkado prinsipal, ku un total di 21.877 turista di estadia (32% di e total di yegadanan), praktikamente mesun nivel ku òktober 2025 (−1%). Turistanan hulandes a keda un promedio di 10.9 anochi, e estadia di mas largu entre e merkadonan prinsipal; 56% a skohe otro opshon di akomodashon, miéntras 44% a skohe pa resort hotels. E grupo di edat di mas grandi tabata 25 pa 44 aña, representando 33% di e turistanan hulandes. Sigun e Exit Survey (2025) di CTB, turistanan hulandes ta gasta un promedio di $206 pa persona pa dia.
Estádos Unídos a okupá di dos lugá ku 17.169 turista di estadia, un oumento di 12% kompará ku òktober 2025. Bishitantenan merikano a keda un promedio di 5.9 anochi; 67% a skohe pa resort hotels, miéntras 33% a keda den otro opshon di akomodashon. E grupo di edat di mas grandi tabata 25 pa 44 aña, representando 43% di e turistanan merikano. Bishitantenan merikano ta esnan ku ta gasta mas pa dia entre e merkadonan prinsipal pa Kòrsou, ku un promedio di $407 pa persona pa dia.
Colombia a okupá di tres lugá ku 5.553 turista di estadia, un oumento di 23% kompará ku òktober 2025. Bishitantenan kolombiano a keda un promedio di 5.8 anochi, un oumento kompará ku 5.1 aña pasá; 65% a skohe resort hotels, miéntras 35% a keda den otro opshon di akomodashon. E grupo di edat di mas grandi tabata 25 pa 44 aña, representando 44% di e turistanan kolombiano. Bishitantenan kolombiano ta gasta un promedio di $275 pa persona pa dia.
Prestashon di yanüari – òktober 2026:
For di yanüari te ku òktober 2026, Kòrsou a risibí 710.538 turista di estadia, un oumento di 11% kompará ku e 642.158 registrá den e mesun periodo na 2025, generando 5.8 mion anochi di bishitante (+10%). Hulanda a keda e merkado di mas grandi ku 218.227 turista di estadia (31%), siguí pa Estádos Unídos ku 186.884 (26%). Colombiana di tres lugá ku 49.625 turista (7%), siguí pa Canada ku 39.727 (6%), Brazil ku 36.338 (5%) i Argentina ku 32.837 (5%). Turismo krusero a registrá 722.155 pasahero te ku òktober, un oumento di 12%. Ku dies luna di resultado konsistente, Kòrsou ta drenta e temporada haltu di winter ku un base sólido.
