Home / Press Releases / CTB ta sertifiká 4 akomodashon i 7 operador di buseo

Komo parti di e programa di ouditoria di kalidat…
WILLEMSTAD – 16 di mart 2018 – Resientemente Ofisina di Turismo di Kòrsou (CTB) i Minister di Desaroyo Ekonómiko, Dr. StevenMartina a entregá sertifikado na 4 akomodashon i 7 operador di buseo ku a pasa e programa di ouditoria establesé dor di CTB den estrecho kolaborashon ku CuraçaoInnovation&TechnologyInstitute (CITI) ku éksito. Ophetivo di e programa, establesé na aña 2015 ta pa promové i mantené kalidat di tur empresa ku ta operá den nos industria turístiko. Komo parti di e programa, empresanan den industria di hospitalidat i turismo ta risibí un ouditoria òf ta keda re-ouditá kada pasa 2 aña basá riba normanan di kalidat rekonosé den nos merkado lokal i internashonalmente.

Den e tanda aki a entregá sertifikashon na e siguiente akomodashonnan: LagoonOceanResort, Casa Mango Lodge, LotusVillas i CaribbeanFlowerApartments. Tambe a entregá sertifikashon na 7 operador di buseo ku a keda re-ouditá, nan ta GobyDivers, Bahia Diving, GoWestDiving, Curaçao Divers, Caribbean Sea Sports, CoralDivers B.V. i EpsilonDiveCenter Curaçao. CTB ta felisitá tur akomodashon i operadornan di buseo ku a pasa nan ouditoria ku éksito. E sertifikashon ta bálido pa 2 aña.

Próksimamente lo sigui ku ouditoria di mas akomodashon i operadornan di buseo. Partisipashon na e programa di kalidat ta kompletamente boluntario. Pa registrá òf pa mas informashon por tuma kontakto ku CITI via audit@citi.cw òf dor di yama 738-6299. Huntu nos ta alkansá ekselensia den turismo!

CTB organizes the first edition of Curaçao Explosion in Aruba
Four Lodging Establishments and Seven Diving Operators Certified by the CTB