Evento promoshonal pa Kòrsou riba yate na New York

May 30, 2017

WILLEMSTAD- 29 di mei 2017 – ResientementeKòrsou huntu ku Time Out New York a selebrá yegada di zomer riba awa ku un Summer Kickoff Yacht Party. Kasi mil partisipante a subi Hornblower Cruise Line pa selebrá huntu ku e publikashon lokal tan respetá Time Out New York i e spònser prinsipal, Ofisina di Turismo di Kòrsou (CTB).

E kampaña publisitario kolorido, ‘Right Now in Curaçao’, tabata na bista di públiko tur kaminda riba e yate di tres piso. Na tur e barnan, bartènder ku T-shirt di Kòrsou tabata sirbi e bibida spesial ‘Curaçao Blue Breeze’. Tambe tabatin un kabina spesial pa saka potrèt ku un bunita background di e playanan di nos pais i tambe leshi pa potrèt ku hashtag di e evento ‘#StayDushi’ imprimí riba nan. Ademas tabatin un premio masha spesial den forma di un estadia di kuater anochi na Kòrsou, kortesia di Renaissance Curaçao Resort & Casino i JetBlue Airways. Esnan ku no tabatin e suerte di gana e trep pa Kòrsou, a risibí komo regalo un brel di solo ku ‘Curaçao’ riba dje i algun tremendo oferta pa bini nos pais, inkluso e pakete vakashonal ‘$50 for our 50th’ di CHATA i un deskuento di $150 pa Kòrsou di JetBlue. E evento riba yate ta parti di un serie di evento i inisiativanan promoshonal pahalsa e nivel di konsiensia i krea mas tráfiko for di e merkado di Nort Amérika.

Most recent

Kòrsou i Ajax ta ekstendé kolaborashon

Kòrsou i Ajax ta ekstendé kolaborashon

WILLEMSTAD- 29 di mart 2023 – Ofisina di Turismo di Kòrsou (CTB) i AFC Ajax a ekstendé nan kolaborashon te ku e temporada di 2023-2024. For di 2020...

Curaçao and Ajax extend their collaboration

Curaçao en Ajax verlengen samenwerking

WILLEMSTAD- 29 maart 2023 – Curaçao Tourist Board en AFC Ajax hebben de samenwerking verlengd tot en met het seizoen 2023-2024. Curaçao is sinds...