CTB a gradisí prensa kolombiano pa nan sosten durante 2016

January 2, 2017

WILLEMSTAD– 25 di desèmber 2016 – Resientemente Ofisina di Turismo di Kòrsou (CTB) na Colombia a tene un almuerso komo gradisimentu na vários periodista di diferente medio di komunikashon. E lùnch ku a tuma lugá na restorant Club Colombia a keda altamente apresiá pa prensa kolombiano inkluyendo publikashonnan manera Diario La República i programa di televishon Travesía Caracol Internacional.

Pa CTB, prensa ta un hèrmènt masha importante i ta fundamental den promoshon turístiko di Kòrsou. Danki na e diversidat di aktividat ku nos isla tin di ofresé, tabata posibel pa generá kontenido notisioso pa yama atenshon di bishitantenan for di Colombia. Camila Chain; Jorge Hernán Peláez di Diario La República i Maritza Mantilla di e programa di televishon Travesía Caracol Internacional tabata entre e 35 periodistanan presente huntu ku publikashonnan spesialisá den turismo manera entre otro Report, Turismo Súper, Ladevi i Hola Turismo. Sr. Victor Dapena, representante di CTB na Colombia a gradisí miembronan di prensa pa nan sosten durante 2016 i a indiká e deseo di por sigui konta ku nan durante di e próksimo aña; sr. Muryad de Bruin, gerente di merkadeo di CTB pa region di Suramérika tambe tabata presente.

Most recent