Kòrsou a invitá Aruba pa ‘Curaçao International Drag Fest 2016’

March 14, 2016

Enkonekshon ku selebrashon 45 aña deporte di drag race i 20 aña di Curaçao International Raceway…
WILLEMSTAD- 14 di mart 2016:- Ofisina di Turismo di Kòrsou (CTB) huntu ku Fundashon Autosport Curaçao (FAC) a invitá Aruba kompletu pa forma parti di e selebrashon di 45 aña deporte di drag race na Kòrsou i 20 aña di Curaçao International Raceway. ‘Curaçao International Drag Fest’ ta un evento ku tur aña di nobo ta krea hopi espektativa internashonalmente i sigur den área di Karibe i 2016 lo no ta e eksepshon.

Durante un enkuentro relahá i ameno ku prensa, koredornan i fanátikonan di e deporte di velosidat na Aruba, CTB i FAC a duna tur informashon i a ekstendé un invitashon ofisial pa nan forma parti di e selebrashon e aña aki. CTB a hasi uso di e oportunidat pa informá tur presente di e otro aktividatnan ku Kòrsou tin di ofresé durante di e dianan di ‘Curaçao International Drag Fest’ i pa sobrá di aña 2016. Despues di e rueda di prensa e tim di Kòrsou a tene algun entrevista èkstra ku prensa di Aruba. ‘Curaçao International Drag Fest’ lo start dia 26 di aprel ku un Auto Show riba Brionplein, 28 di aprel lo tin ‘Test & Tune Night’, 29 i 30 di aprel i promé di mei lo ta e dianan di kareda. Paisnan ku ya a konfirmá nan partisipashon ta: Aruba, Boneiru, Colombia, Estádos Unídos, Hulanda, Puerto Rico, Repúblika Dominikana, Venezuela i naturalmente Kòrsou komo pais anfitrion.

Komunidat di Kòrsou tambe ta keda kordialmente invitá pa bishitá ‘Curaçao International Drag Fest 2016’ i asina kompartí ku nos bishitantenan internashonal. Un danki ta bai na InselAir ku a aportá na e rueda di prensa i media tour na Aruba. Pa mas informashon por bishitá e wèpsait di FAC: www.curacaodrag.com i Facebook: http://bit.ly/CuracaoRaceway.

Most recent

Kòrsou i Ajax ta ekstendé kolaborashon

Kòrsou i Ajax ta ekstendé kolaborashon

WILLEMSTAD- 29 di mart 2023 – Ofisina di Turismo di Kòrsou (CTB) i AFC Ajax a ekstendé nan kolaborashon te ku e temporada di 2023-2024. For di 2020...

Curaçao and Ajax extend their collaboration

Curaçao en Ajax verlengen samenwerking

WILLEMSTAD- 29 maart 2023 – Curaçao Tourist Board en AFC Ajax hebben de samenwerking verlengd tot en met het seizoen 2023-2024. Curaçao is sinds...