WILLEMSTAD – 17 di yüli 2026 – Ofisina di Turismo di Kòrsou (CTB) a organisá un evento edukashonal na Sürnam pa 57 partisipante inkluyendo agentenan di biahe, mayoristanan, spesialistanan den biahe pa evento i prensa. Meta di e evento tabata pa fortalesé e konosementu di Kòrsou komo destinashon i oumentá e konsiensia di e produkto turístiko variá ku Kòrsou ta ofresé. E programa a inkluí un presentashon interaktivo di Kòrsou komo destinashon, huntu ku un workshop diseñá pa evaluá e konosementu aktual di Kòrsou bou di e partisipantenan, miéntras nan a risibí tambe informashon aktualisá di Kòrsou su produkto turístiko, atrakshonnan i eventonan ku lo tuma lugá próksimamente na Kòrsou. E delegashon di Kòrsou a inkluí CTB i 9 partner di sektor privá konsistiendo di akomodashonnan i un kompania di tour.
Pa krea un eksperensia interaktivo, e evento a simulá e trayekto di un bishitante for di e proseso di check-in na aeropuerto te ku abordá un buelo pa Kòrsou. Durante di e trayekto di simulashon, e partisipantenan a tuma parti den un kues, presentashon i workshop kual a laga nan eksperensiá e destinashon for di e perspektiva di un biahero. Durante di e workshop, e partisipantenan a traha den grupo chikí pa desaroyá diferente interinario di vakashon na Kòrsou, adaptá pa diferente tipo di biahero. E formato interaktivo aki a duna e partisipantenan e oportunidat pa amplia nan konosementu di Kòrsou, miéntras a kompartí ku nan e amplio variedat di eksperensianan ku Kòrsou ta ofresé.
Dor di invertí den seshonnan edukashonal, CTB ta sigui fortalesé su relashon ku partnernan importante den e merkado di Sürnam. CTB ta gradisí tur e partnernan di sektor privá ku a forma parti di e delegashon di Kòrsou: Brion City Hotel, Acoya Curaçao Resort, Villas & Spa, Fiesta Tours Curaçao, Courtyard by Marriott Curaçao, Papagayo Curaçao, Curaçao Vacations, Sunscape Curaçao Resort Spa & Casino, Mangrove Beach Corendon Curaçao i Sonesta Hotels & Livingstone Curaçao.
