WILLEMSTAD – 3 di yüni 2026 – Fin di siman pasá, Ofisina di Turismo di Kòrsou (CTB) i Sandals a organisá un aktivashon ku sektor di biahe den kuadro di e partido amistoso entre Eskosia i Kòrsou na Hampden Park, Glasgow na Eskosia. E evento a tuma lugá den preparashon pa Kopa Mundial di FIFA ranka sali, kaminda a probechá di e entusiasmo i visibilidat generá pa e selekshon nashonal di futbòl di Kòrsou, Blue Wave, pa presentá Kòrsou komo destinashon turístiko na agentenan di biahe prinsipal. Pa e okashon aki 23 agente di biahe di Eskosia a keda invitá na un reunion eksklusivo promé ku wega kuminsá, kaminda nan a risibí informashon tokante e variedat di atrakshonnan turístiko na Kòrsou, akomodashon, kultura i eksperensianan pa bishitantenan.
E seshon informal a ofresé un plataforma balioso pa fortalesé relashonnan ku partnernan den sektor di biahe, miéntras a promové Kòrsou. Hasiendo uso di un evento deportivo internashonal, e aktivashon a kombiná merkadeo di Kòrsou ku oportunidatnan di networking den un atmósfera dinámiko i atraktivo.
