ku Watch Party pa partido di Kopa Mundial Kòrsou – Costa de Marfil
WILLEMSTAD – 22 di yüni 2026 –Despues di3eksitosoBlue Wave Watch Party na respektivamente Alemania, Brazil i Argentina, Ofisina di Turismo di Kòrsou (CTB) lo trese e entusiasmo rondó di Kòrsou su partisipashon den Kopa Mundial di FIFA awor na Colombia, ku un Watch Party na Bogotá pa e partido entre Kòrsou i Costa de Marfil riba 25 di yüni. E evento lo tuma lugá na e Curaçao Experience Center, un espasio diseñá pa inspirá kolombianonan pa bishitá Kòrsou.
Durante henter aña, e sentro ta rekreá selebrashonnan, tradishonnan i momentunan kultural importante di Kòrsou lagando e konsumidó kolombiano eksperensiá un tiki di Kòrsou promé ku nan skohe pa bishitá Kòrsou. Den kuadro di e Kopa Mundial di FIFA, e Experience Center ta organisá diferente aktivashon spesial rondó di e partidonan di Kòrsou, kreando entusiasmo i interakshon entre e bishitantenan miéntras ta mustra Kòrsou su kultura, hospitalidat i orguyo nashonal.
Pa Kòrsou su promé partido den Kopa Mundial, CTB a organisá dos Watch Party pa partnernan stratégiko den Latino Amérika, spesífikamente na São Paulo, Brazil, ku 85 invitado presente i na Buenos Aires, Argentina, ku 70 invitado. E invitadonan a inkluí partnernan den industria di turismo, representantenan di media, influencers i personanan ku ta traha kontenido online. E inisiativa aki a generá hopi atenshon den media internashonal importante, tantu den publikashonnan dirigí na konsumidó komo den publikashonnan di komersio, manera Folha de S.Paulo, ESPN i Panrotas na Brazil i Ladevi i BoardingPax na Argentina, oumentando di e manera aki e konosementu di Kòrsou komo destinashon.
Kòrsou su trayektoria den Kopa Mundial ta sigui sirbi komo un plataforma importante pa konektá ku prospekto biaheronan, fortalesé relashonnan den industria i oumentá e visibilidat di Kòrsou den e merkadonan di enfoke.
