Home / Press Releases / Selebrashon buelo inougural di Jetair ruta Kòrsou – Aruba

WILLEMSTAD- 11 di yüli 2022 – Jetair Caribbean a selebrá inisio di otro ruta mas, kual ta e konekshon entre Kòrsou i Aruba. E buelo inougural aki ta marka inisio di e di shete destinashon di e aerolínea. Pa selebrá e echo spesial aki, Gobièrnu di Kòrsou, Ofisina di Turismo di Kòrsou (CTB), Curaçao Airport Partners (CAP) i Curaçao Airport Holding (CAH) a tene un resepshon na Aeropuerto Internashonal Hato. Durante di e selebrashon a hiba palabra, Minister di Desaroyo Ekonómiko, sr. Ruisandro Cijntje, Minister di Tráfiko, Transporte i Planifikashon Urbano, sr. Charles Cooper, Managing Director di Jetair Caribbean sr. Antonio Ribeiro, CEO di Jetair Caribbean sr. Robert Maas i Director of Air Service Marketing & Development na Curaçao Airport Partners, sra. Peggy Croes.

Na yegada di e promé buelo for di Aruba, e avion a risibí e tradishonal saludo di awa. E ruta nobo di Jetair ta hasi posibel pa mas turista for di Aruba bin eksperensiá e produkto úniko ku Kòrsou ta ofresé. Ademas, e konekshon nobo ku Jetair a inisiá ta brinda tambe mas opshon di biahe pa nos pueblo lokal. E buelo di Jetair lo ta 4 biaha pa siman, dos biaha riba djaluna i dos biaha riba djabièrnè. E buelonan ta keda efektuá ku un Fokker 70 ku un kapasidat di 80 stul.

Gobièrnu di Kòrsou, Ofisina di Turismo di Kòrsou (CTB), Curaçao Airport Partners (CAP) i Curacao Airport Holding (CAH) ta felisitá Jetair ku nan destinashon nobo i ta deseá nan tur kos bon.

First registration day for tourism courses
Celebrating Jetair’s inaugural flight on the Curaçao – Aruba route