Home / Press Releases / Aruba ta kla pa partisipá na Caribbean Pinks All Out 2022 na Kòrsou

WILLEMSTAD- 13 di yüni 2022 – Ofisina di Turismo di Kòrsou (CTB) huntu ku representantenan di Jacky Circuit ofisialmente a invitá koredornan i fanátikonan di drag race di Aruba pa bin i disfrutá di karedanan di drag race aki na Kòrsou i na mes momentu selebrá ku nos Dia di Bandera.

Durante di un rueda di prensa ku a tuma lugá na Aruba e tim di Kòrsou a duna informashon di tur loke nos isla tin di ofresé komo destinashon turístiko i a bai den detaye riba e karedanan ku lo tuma lugá próksimamente aki na Kòrsou. E interes manera semper tabata grandi. Deporte i drag race en partikular ta un di e métodonan di merkadeo ku CTB ta uza komo parti di su strategia pa promové nos pais.

E evento lo konsistí banda di e karedanan tambe di un show di outo i konsierto, hasiendo esaki un evento interesante. E fin di siman di promé pa tres di yüli próksimo lo ta kargá ku diferente aktividat riba nos isla lokual ta hasié un oportunidat úniko pa bishitá Kòrsou. Bishitá e página sosial di Jacky Circuit pa mas informashon di e karedanan di drag race.

CTB distributes sports materials to 3 youth soccer clubs
Aruba is ready to participate in the Caribbean Pinks All Out 2022 in Curaçao