Home / Press Releases / CTB ta organisá Sales Blitz na Bèlgika

WILLEMSTAD- 8 di novèmber 2021 – Resientemente Ofisina di Turismo di Kòrsou (CTB) a organisá un Sales Blitz na Bèlgika pa operadornan di tour i agentenan di biahe ku ta spesialisá den benta di paketenan dirigí riba vakashon i biahenan di luho. Durante tres dia, e tim a reuní ku un total di 15 operador di tour i agentenan di biahe pa krea konsientisashon riba e produkto ku Kòrsou tin pa ofresé komo un destinashon nobo den nan portafolio. E agentenan di biahe ku ya ta bende e destinashon Kòrsou a haña informashon adishonal ku por yuda nan pa sirbi nan klientenan mihó.

A enfoká riba e aspektonan di luho ku Kòrsou tin pa ofresé, manera Jet Center, akomodashonnan i e variedat di aktividat ku por hasi tambe komo grupo privá manera tour den boto, buseo, bishitá museonan i diferente otro aktividat mas riba nos pais. Ademas a presentá Kòrsou komo un destinashon ideal pa kasamentu, luna de miel i gòlf. E interes pa Kòrsou ya kaba ta haltu i ku e skema nobo di buelo ku pronto Air Belgium lo bai ofresé ta premirá ku e interes pa bishitá nos pais for di e merkado di Bèlgika lo subi. CTB ta gradisí tur partner ku a partisipá na e eksitoso Sales Blitz; Baoase Luxury Resort, Renaissance Wind Creek Curaçao Resort, Sandals Royal Curaçao, ECO Destination Management Services i Pitch Perfect. CTB ta sigui invertí den e tipo di interkambionan aki ku e meta pa oumentá e kantidat di turista di estadia pa Kòrsou.

U.S. based Discover Travel LLC distributes school materials at the Johan Maurits School
Curaçao Tourist Board organizes Sales Blitz in Belgium