Home / Press Releases / Ofisina di Turismo di Kòrsou tambe a partisipá na World Cleanup Day

WILLEMSTAD- 20 di sèptèmber 2021 – Dia 18 di sèptèmber último, untim di empleado diOfisina di Turismo di Kòrsou (CTB) huntu ku empleadonan di 27 kontratista ku ta forma parti di e proyekto di limpiesa ‘Kòrsou ta dushi i limpi’ a partisipá na World Cleanup Day 2021. Huntu a forma un grupo di 80 partisipante. E kontratistanan a partisipá di forma boluntario na World Cleanup Day 2021. A limpia na e área di ántes Jeanne D’Arc Huishoudschool na Kustbatterij. Un Kòrsou limpi ta loke Ofisina di Turismo di Kòrsou (CTB) tambe ta para p’e. Tantu pa nos mes komo habitante di e dushi pais aki pero tambe pa e turistanan ku ta bin pa eksperensiá nos pais. E trabounan di limpiesa a inisiá for di 7:30 di mainta i a keda konkluí banda di 12:00 di mèrdia. Durante e dia a kolektá 47 200 (kuarentishete-mil dosshen) kilo di sushi kual a keda transportá ku un total di 11 dùmp trùk pa landfill Malpais. CTB ta gradisí Curaçao Clean Up pa e kordinashon i kier stimulá nos komunidat pa sigui partisipá na akshonnan di limpiesa i yuda tene Kòrsou limpi. Ban pa un Kòrsou, dushi i limpi. Huntu nos por! ‘Huntu nos ta tene Kòrsou limpi!’

Curaçao welcomes over 30,000 stayover visitors in August
The Curaçao Tourist Board also Joining World Cleanup Day