Mayoristanan for di Colombia a bishitá Kòrsou

June 16, 2021

WILLEMSTAD- 16 di yüni 2021 – Resientemente Ofisina di Turismo di Kòrsou (CTB) a organisá un bishita di trabou pa mayoristanan for di Colombia ku ta forma parti di e aliansa ku CTB a inisiá algun aña pasá ku ta karga e nòmber ‘Mayoristas Comprometidos de Colombia’ kualnan ta ofresé paketenan atraktivo pa bishitá Kòrsou. Meta di e bishita di trabou tabata pa e mayoristanan, huntu ku sektor privá i CTB diskutí kon por oumentá e reservashonnan di biahe for di Colombia pa Kòrsou. E bishita di 3 dia a konta ku partisipashon di 12 mayorista for di Colombia.

Na nan yegada a buska e mayoristanan den outonan wabi dunando asina un toke festivo na e okashon. E promé dia di e bishita di trabou a inisiá ku un diálogo entre e mayoristanan, representantenan di diferente sektor lokal manera akomodashon, aerolíneanan, kompanianan di tour, transporte i representantenan di CTB. E mayoristanan a kompartí nan eksperensianan awor ku mundu a kuminsá habri bèk pa biahe i e espektativanan di e biahero for di Colombia. Representantenan for di sektor privá di nan banda por a hasi pregunta na e mayoristanan i na mes momentu kompartí loke nan tin di ofresé. E programa a inkluí tambe bishita na diferente akomodashon lokal, rekorido den nos sentro di siudat i bishita na atrakshonnan turístiko.

Na final e mayoristanan a ekspresá di ta kontentu di por a bishitá Kòrsou i eksperensiá e produkto ku Kòrsou ta ofresé. CTB ta sigui invertí den e tipo di interkambionan aki ku e meta pa oumentá e kantidat di turista di estadia pa Kòrsou.

Most recent

Kòrsou i Ajax ta ekstendé kolaborashon

Kòrsou i Ajax ta ekstendé kolaborashon

WILLEMSTAD- 29 di mart 2023 – Ofisina di Turismo di Kòrsou (CTB) i AFC Ajax a ekstendé nan kolaborashon te ku e temporada di 2023-2024. For di 2020...

Curaçao and Ajax extend their collaboration

Curaçao en Ajax verlengen samenwerking

WILLEMSTAD- 29 maart 2023 – Curaçao Tourist Board en AFC Ajax hebben de samenwerking verlengd tot en met het seizoen 2023-2024. Curaçao is sinds...