Home / Press Releases / Pintamentu mural na Zakito kanando den bon direkshon

Pasa wak abo tambe!
WILLEMSTAD – 14 di yüni 2021 – Pintamentu di e mural na Zakito na entrada di Koredor a start i ta kanando den bon direkshon. E mural ta forma parti di e Quick Win Plan kual a keda aprobá pa Gobièrnu di Kòrsou pa desaroyo di e área di Zakito. E mural ta kubri tres sekshon di kada unu mas o ménos 45 meter. E temanan ku lo forma parti di e mural ta; Piskamentu, Konsientisashon di Oséano i Wellness. BLEND Creative Imaging huntu ku PickNic Projects ta enkargá ku e aspekto kreativo. Pintamentu di e mural ta inkluí un aspekto sosial kaminda 24 persona lokal di entre 18 i 61 aña di edat prosedente di mas ku 10 bario i tambe Teen Talent Group ta partisipá. Quick Win Plan ta un di e puntonan di akshon di e vishon pa desaroyo di e área di Zakito. Ofisina di Turismo di Kòrsou (CTB) ta enkargá ku ehekushon di e Quick Win Plan. Miéntras e finansiamentu ta na enkargo di Gobièrnu di Kòrsou via di Ministerio di Desaroyo Ekonómiko. Un danki spesial ta bai na Gerensia di Aqualectra pa duna pèrmit i tambe nan asistensia pa ku drechamentu di e muraya pa di e manera ei hasi e pintamentu di e mural posibel.

Pasa abo tambe pa disfrutá di e área i wak kon bunita e mural ta kedando.

CTB projects positive growth in tourism arrivals for the upcoming months
Zakito mural taking shape