Home / Press Releases / Selebrashon buelo inougural di Jetair ruta Kòrsou – Repúblika Dominikana

WILLEMSTAD- 28 di febrüari 2021 – Duranteun selebrashon chikitu pero signifikante a pone atenshon na e echo ku Jetair Caribbean a duna inisio di su ruta nobo Kòrsou – Repúblika Dominikana. E buelo inougural aki ta marka inisio di e di dos destinashon di e aerolínea. Durante e resepshon a hiba palabra, Minister di Desaroyo Ekonómiko, Dr. Steven Martina, Minister di Tráfiko, Transporte i Planifikashon Urbano sra. Zita Jesus-Leito, Managing Director di Jetair Caribbean sr. Antonio Ribeiro, CEO di Jetair Caribbean sr. Robert Maas, Director Marketing, Air Service & Development di Curaçao Airport Partners sra. Peggy Croes, CEO di Curaçao Hospitality & Tourism Association sra. Maria-Helena Seferina-Rojas i Assistant to the Director & Corporate Strategist di Curaçao Airport Holding sra. Priscilla Circkens. 

E buelo di Jetair lo keda efektuá riba djadumingu saliendo for di Kòrsou pa 9:00 a.m. i lo yega Santo Domingo 10:25 a.m. E buelo di regreso lo sali Santo Domingo 11:25 a.m i lo yega Kòrsou 12:50 p.m. E buelonan ta keda efektuá ku un Fokker 70 ku un kapasidat di 80 stul. E ruta nobo di Jetair ta hasi posibel pa mas turista for di Repúblika Dominikana bin eksperensiá e produkto úniko ku Kòrsou ta brinda. Nos playanan bunita, kultura riku, historia, arkitektura, variedat di atrakshonnan turístiko i mas ku tur kos nos hendenan amabel. Na mes momentu e ruta aki ta brinda tambe mas opshon di biahe pa nos pueblo lokal. E aerolínea su meta ta pa sigui amplia nan skema di buelo ku rutanan for di Karibe i Sur Amérika. 

Gobièrnu di Kòrsou, Ofisina di Turismo di Kòrsou (CTB), Curaçao Airport Partners (CAP), Curacao Airport Holding (CAH) i Curaçao Hospitality and Tourism Association (CHATA) ta felisitá Jetair ku nan destinashon nobo i ta deseá nan tur kos bon.

CTB and Local Partners at Duikvaker Virtual Expo 2021
Celebrating Jetair’s Inaugural Flight on the Curaçao – Dominican Republic Route