Home / Press Releases / Delegashon di Ajax di bishita na Kòrsou

WILLEMSTAD- 30 di òktober 2020 – Un delegashon di Ajax ta na Kòrsou pa estrechá e lasonan di koperashon dentro di e akuerdo di partnership. E bishita tabata planiá pa komienso di e aña aki pero dor di e pandemia COVID-19, e bishita a tuma lugá awor. E delegashon tabatin entre otro kombersashon ku Minister enkargá ku Desaroyo Ekonómiko, Dr. Steven Martina.

Kòrsou for di prinsipio di e aña aki ta prominentemente visibel pa medio di un logo riba manga di e shùrt di Ajax. Ademas pa medio di e promoshonnan ku ta keda hasí rondó di e partidónan, tantu via televishon komo diferente otro medionan di Ajax ta alkansá miónes di fanátikonan di e klup na Hulanda i tambe rònt mundu.

Minister Martina a indiká: “Dor di e brote di e pandemia COVID-19 i e konsekuensia di esaki pa turismo, ta sumamente importante pa keda visibel i pa mustra mas tantu hende posibel ku Kòrsou ta un di e poko destinashonnan ku solo kaminda biaheronan ta bon biní teniendo na kuenta e kondishon stipulá. Pa e motibu aki nos ta sumamente kontentu di por a risibí e delegashon di Ajax pa asina nan por a sera konosí ku Kòrsou”

E delegashon di Ajax lo regresá Amsterdam na final di e siman aki.

CTB engages potential travelers in Suriname in an innovative Virtual InfoMart
Ajax Delegation Visiting Curaçao