Home / Press Releases / Kasi 3000 turista di estadia den e promé 12 dianan

Sifranan preliminar luna di yüli 2020

WILLEMSTAD- 13 di yüli 2020 –  Ofisina di Turismo di Kòrsou (CTB) ta raportá yegada di 2.960 turista di estadia desde reapertura di frontera dia 1 di yüli 2020. 74% di e kantidat di turista registrá ta prosedente di Europa i 14% a bini for di region Karibe.

Ku nos frontera habrí te na e momentunan aki, pa solamente algun pais den Wèst Europa, por mira ku 92% di e europeonan ku a bishitá Kòrsou ta prosedente di Hulanda. Sobrá a bini for di Alemania i Bèlgika. Un total di 60% di e europeonan aki a keda na un akomodashon alternativo miéntras 40% a keda den hotèl.

For di region Karibe te na e momentunan aki, Kòrsou a risibí 407 turista di estadia. Bishitantenan for di otro islanan den Reino Hulandes tambe por bishitá Kòrsou. Un total di 226 turista di estadia a keda risibí for di Bonaire, 138 for di Aruba i un total di 43 for di St. Maarten.

CEO di CTB, Paul Pennicook a remarká, “esaki ta loke nos a antisipá ku reapertura di frontera. Nos ta keda den espera pa aun mas turista na luna di ougùstùs”. 

The Curaçao Tourist Board (CTB) Congratulates Corendon Mangrove Beach Resort on their Grand Opening
Almost 3000 stayover visitors in first 12 days