WILLEMSTAD- 2 di yüli 2020 – Ofisina di Turismo di Kòrsou (CTB) ta felisitá Corendon Mangrove Beach Resort ku nan gran apertura kual a tuma lugá 2 di yüli 2020. Corendon Mangrove Beach Resort ta un atkisishon importante na e pórtfolio di Kòrsou su produkto turístiko. E promé fase di e hotèl ku ta operá bou di e konsepto di “all inclusive” ta nifiká 400 kamber adishonal na e inventario di kamber di hotèl riba Kòrsou. Ademas e hotèl ta konsistí di un food court, restorantnan, diferente pisina, un aqua park i fasilidatnan pa entretené henter famia.
No opstante e echo ku turismo ta pasando den un temporada difísil na e momentunan aki, apertura di Corendon sigur ta sirbi komo símbolo di speransa ofresiendo mas opshon di akomodashon i tambe trabou kontribuyendo di e manera aki na Kòrsou su ekonomia.
E tim di maneho i personal di CTB ta deseá gerensia i e tim kompletu di Corendon Mangrove Beach Resort tur klase di éksito ku nan gran apertura i e futuro operashon di e hotèl.
