Home / Press Releases / Bòrchi ku mensahe pa mantené distansia físiko

WILLEMSTAD – 24 di mart 2020 – Resientemente Ofisina di Turismo di Kòrsou (CTB) huntu ku Ministerio di Salubridat, Medio Ambiente i Naturalesa (GMN) i Ministerio di Desaroyo Ekonómiko (MEO) a pone bòrchinan ku e mensahe pa mantené distansia físiko for di otro. A laga traha e bòrchinan aki konsiderando e situashon aktual ku nos tur ta aden kaminda huntu nos mester prevení e vírùs COVID-19. E bòrchi aki ta pa konsientisá pueblo pa mantené distansia físiko di 2 meter. Ta importante pa tene na kuenta ku e mensahe prinsipal ta pa tur hende keda kas i pa sali solamente pa aktividatnan ku ta keda konsiderá komo aktividatnan esensial. Den kaso ku bo mester sali kas, no aglomerá pero mantené distansia físiko tur momentu. E teksto riba e bòrchi ta na diferente idioma di manera ku e mensahe por yega na mas tantu persona posibel. E bòrchi ta poné kaba na Playa Piskadó. Den transkurso di e dianan benidero lo pone e bòrchi tambe na otro playanan públiko i arianan den naturalesa. 

Pues sali kas solamente pa aktividatnan kual ta keda konsiderá komo esensial. Mantené distansia físiko di 2 meter for di otronan. Pa sigui tur último desaroyo i tep relashoná ku e vírùs di corona bishitá www.gobiernu.cw / Facebook di Gobièrnu di Kòrsou òf via Whatsapp 564-0440. Sea responsabel i ban kuida otro.

Positive 7% growth in stayover arrivals for February
Signage with Message to Maintain Physical Distance