Home / Press Releases / Kurso pa duna masashi na turista a start

WILLEMSTAD – 21 di yanüari 2020 – Ofisina di Turismo di Kòrsou (CTB) den estrecho koperashon ku Ministerio di Desaroyo Sosial, Labor i Bienestar (SOAW), Ministerio di Desaroyo Ekonómiko (MEO) i Curaçao Tropical Spa a inisiá un kurso pa duna masashi na turista pa un grupo di 20 kliente di SOAW. E kurso ta konsistí di un parti teorétiko i práktiko i tin un durashon di tres luna. Resientemente, Minister di Desaroyo Ekonómiko sra. Giselle Mc William i Minister di Desaroyo Sosial, Labor i Bienestar, sr. Hensley Koeiman a bishitá un di e dianan di lès pa asina motivá, inspirá i enkurashá e partisipantenan. 

E kursistanan lo siña téknikanan di masashi ku produktonan natural manera entre otro kalbas i koko ku lo krea un eksperensia úniko serka e turistanan. E programa ta inkluí tambe e modulo di: servisio na kliente, maneho di finansa i idioma ingles. Tur ku finalisá e kurso ku éksito despues lo por brinda e eksperensia aki na turistanan den airu liber riba playanan públiko aki na Kòrsou, na un hotèl òf SPA. CTB, SOAW i MEO ta deseá e kursistanan tur klase di éksito.

Curaçao Tourist Board New Ajax Partner
Tourist Massage Course Started