ETA Motorcycle Cruises di bishita riba nos dushi pais Kòrsou

April 12, 2018

WILLEMSTAD- 11 di aprel 2018 – Un biaha mas koredornan di motosaikel di ETA Motorcycle Cruises (ETA) a hasi nan rekorido aki na Kòrsou. ETA ta ofresé su miembronan e servisio di disfrutá di un biahe riba barku krusero kombiná ku e posibilidat pa hasi uzo di nan propio motosaikel komo medio di transporte ora ta bishitá e diferente puertonan. Kòrsou ta un di e puertonan faborito di ETA, ku ya na vários okashon a bishitá nos isla. Na Kòrsou nan ta risibí asistensia di sr. Henry Stomp, sr. Hubert Pop i Wild Hogs Curaçao, Ofisina di Turismo di Kòrsou (CTB) pa e parti logístiko, Duana pa e parti di despacho na yegada i salida i guia polisial durante e rekorido riba nos isla. E grupo di ETA semper ta keda kompañá durante e rekorido pa diferente koredornan lokal. CTB ta gradisí ETA pa nan bishita i ta spera di mira nan pronto bèk, e biaha aki pa un bishita di estadia.

Most recent