CTB a topa ku studiantenan di Maris Stella SBO durante di nan biahe edukativo na Miami - Curaçao Tourist Board

Home / Press Releases / CTB a topa ku studiantenan di Maris Stella SBO durante di nan biahe edukativo na Miami

WILLEMSTAD- 18 di mei 2016 – Resientemente CTB su kantor na Nort Amérika a risibí un grupo di studiante di Maris Stella SBO. E grupo konsistiendo di 28 studiante di Turismo tabata riba un biahe edukativo di 1 siman na Miami. Meta di nan biahe tabata pa profundisá riba e aspekto di turismo sostenibel i ‘Eco Tourism’. E studiantenan a topa tambe ku funshonarionan di CTB na Miami kaminda nan a haña un splikashon di e trabou ku CTB ta hasi pa loke ta trata promoshon pa Kòrsou den e merkado di Nort Amérika. E studiantenan a haña tambe splikashon di e mayorista Expedia riba e trabou di promoshon ku nan ta ehersé pa Kòrsou. CTB ta deseá e studiantenan hopi éksito ku nan estudio i ta spera ku e biahe tabata unu edukativo.

CTB i Fundashon Bon Intenshon a presentá e próksimo edishon di CNSJF na prensa kolombiano
CTB ta introdusí programa di sertifikashon pa sektor di hospitalidat i turismo