E promé turista ku a hasi uso di e Online ED card a yegá Kòrsou

WILLEMSTAD- 9 di desèmber 2015 – E promé turista ku a hasi uso di e Online Embarkation and Disembarkation card esta e ED card a yegá Kòrsou. Ta trata aki di sr. Jeroen Kok ku a yega for di Amsterdam riba buelo KL 785 di KLM. Den ménos ku 48 ora un total di 135 persona a yena e ED card digital. E Online ED card a keda lansá dia 7 di desèmber último dor di Ofisina di Turismo di Kòrsou huntu ku Departamentu di Imigrashon. E online ED-card tin dos meta prinsipal esta sòru pa un proseso mas lihé i efisiente ora di pasa na Imigrashon i e informashonnan di e bishitante ta keda prosesá na mes momento.