Rekonosementu otorgá na famia Ostrowe

August 14, 2015

WILLEMSTAD- 14 ougùstùs 2015: E pareha Ostrowe ta bishitando Kòrsou riba un base regular pa e último 35 añanan i ta konsiderá Kòrsou nan di dos kas. Sr. Alan Ostrowe a tende di nos isla via un yu di Kòrsou durante su estudio di medisina na su pais natal na Estádos Unídos. Despues di e promé bishita e la keda enkantá i a sigui bin nos isla kompaña pa su famia.

Awor famia Ostrowe ta embahadornan di nos dushi isla, loke sigur nan gusta di Kòrsou ta nos hospitalidat. Sr. Ostrowe gusta buseo i ta fasiná ku nos mundu marino.

Durante un enkuentro ameno ku Minister Palm, sr. Ostrowe a keda gratamente sorprendí pa e rekonosementu ku a keda plania pa su sra. esposa, amigunan di Kòrsou i Ofisina di Turismo di Kòrsou. E pareha a konta di tur e desaroyonan positivo ku nan a mira durante e último 35 añanan i tin plania di sigui bin Kòrsou. Despues di e kombersashon agradabel ku e pareha Ostrowe, Minister Palm a hasi entrega di un plakat di rekonosementu i regalo na sr. i sra. Ostrowe.

Most recent

Kòrsou i Ajax ta ekstendé kolaborashon

Kòrsou i Ajax ta ekstendé kolaborashon

WILLEMSTAD- 29 di mart 2023 – Ofisina di Turismo di Kòrsou (CTB) i AFC Ajax a ekstendé nan kolaborashon te ku e temporada di 2023-2024. For di 2020...

Curaçao and Ajax extend their collaboration

Curaçao en Ajax verlengen samenwerking

WILLEMSTAD- 29 maart 2023 – Curaçao Tourist Board en AFC Ajax hebben de samenwerking verlengd tot en met het seizoen 2023-2024. Curaçao is sinds...