WILLEMSTAD- 15 di mei 2015 –Resientemente e kampaña publisitario #MijnCuraçao kondusí pa Ofisina di Turismo di Kòrsou (CTB) na Europa a keda nominá pa SABRE awards den e kategoria di bloggers. E strategia ku a keda usa den e kampaña aki ta ku a usa komo partner un asina yama travel blogger pa e bira un tipo di reportero pa Kòrsou. E reportero aki tabata klave den e strategia no solamente paso e ta kompartí online su eksperensianan via medionan sosial pero tambe paso su programa di dia tabata konsistí di kompartí tep i publiká historianan ku e ta risibí via medionan sosial di personanan lokal i biaheronan. Meta di esaki tabata pa inspirá i lanta kuriosidat di potensial bishitantenan pa asina nan por skohe Kòrsou komo nan próksimo destinashon pa vakashon. E premiashon lo tuma lugá dia 19 di mei próksimo na Londen. SABRE Awards, e kompetensia di awards mas grandi den industria di publisidat ta rekonosé ekselensia den programanan publisitario.
![CTB Hosts Two Hurricane and Crisis Preparedness Sessions for the Tourism Sector](https://www.curacaotouristboard.com/wp-content/uploads/2024/07/Hurricane-and-Crisis-Preparedness-Sessions-for-the-Tourism-Sector-CTB-L-4-1080x675.jpg)
CTB Hosts Two Hurricane and Crisis Preparedness Sessions for the Tourism Sector
With the hurricane season active, it is imperative for the tourism sector to be well-prepared.