Miss Universe Jamaica 2014 srta. Kaci Fennell a bishitá Ofisina di Turismo di Kòrsou

WILLEMSTAD- 12 di mei 2015 – Miss Universe Jamaica 2014 srta. Kaci Fennell sigur a kousá un impreshon durante i despues di e sertámen di Miss Universo na yanüari último. Kaci Fennell a resultá di kuater finalista den e kuadro di honor. Durante e sertámen aki nos isla a keda bon representá pa Miss Universe Curaçao 2014; srta. Laurien Angelista. Kaci Fennell tabata invitado di honor durante e sertámen di Miss Playa 2015. Durante su bishita na Kòrsou Kaci Fennell a bishitá Ofisina di Turismo di Kòrsou (CTB), kaminda el a keda risibí pa direktor interino sr. Hugo Clarinda. Kaci a risibí algun bunita regalu na nòmber di nos dushi isla Kòrsou. Na mes momentu Kaci a indiká di a gusta Kòrsou i ku pronto lo e ta bèk pa sigui disfrutá di loke nos pais tin di ofresé.