Home / Press Releases / CTB i Air Belgium a organisá siman di training pa operadornan di tour i agentenan di biahe na Bèlgika

WILLEMSTAD- 31 di mei 2021 – Resientemente Ofisina di Turismo di Kòrsou (CTB) huntu ku representantenan di Air Belgium a organisá un siman di training pa operadornan di tour i agentenan di biahe na Bèlgika i tambe e área Nort di Fransia. Manera ta konosí dia 3 di yüli próksimo Air Belgium lo start ku su buelo ku frekuensia di 2 biaha pa siman saliendo for di Brussels Charleroi Airport pa Kòrsou via Martinique. Komo preparashon pa e buelo aki CTB huntu ku Air Belgium ta dunando training na operadornan di tour i tambe agentenan di biahe riba e produkto turístiko ku Kòrsou tin pa ofresé. Tur seshon a keda presentá pa representantenan di CTB i Air Belgium.

Algun di e seshonnan a tuma lugá di forma físiko i otronan tabata virtual. Riba e promé dia tabatin parti mainta un webinar dirigí riba e operadornan di tour i agentenan di biahe di abla franses. E di dos seshon a tuma lugá na Bèlgika kual a enserá un presentashon kombiná ku un workshop pa operadornan di tour di e agensia di biahe Live to Travel ku ta papia e idioma vlaams. E presentashon aki a inkluí informashon di e 12 hotèlnan lokal ku ta forma parti di e portafolio di Live to Travel. E programa di training a inkluí tambe un presentashon dirigí riba operadornan di tour di abla franses di e agensia YourTravel. E seshon aki a tuma lugá na ClubMed na Bèlgika. Mas aleu a tene tambe un webinar pa e operadornan di tour di Live to Travel na Almere. E webinar aki a keda duná den kolaborashon ku Scuba Lodge. 

Komo preparashon pa e buelo nobo di Air Belgium, CTB huntu ku partnernan di sektor privá ta sigui invertí den informá e merkado di Bèlgika riba e produkto turístiko ku Kòrsou tin pa ofresé.

CTB organizes a series of virtual site inspections for Travel Agents and Tour Operators in Belgium
The CTB and Air Belgium organize week of training for Belgian Tour Operators and Travel Agents