CTB a firma kontrato di Embahador di Kòrsou ku Churandy Martina

Willemstad – 24 di òktober 2016 – Resientemente Ofisina di Turismo di Kòrsou (CTB) a firma un kontrato di ‘Embahador di Kòrsou’ ku nos atleta profeshonal lokal ku ta kompetí riba nivel internashonal, Churandy Martina. E kontrato ta enserá ku CTB por hasi uso di Churandy Martina su nòmber, imágen òf persona pa promoshon i otro aktividatnan di merkadeo internashonalmente. Den kuadro di e kontrato aki ya kaba a traha riba algun video i potrèt promoshonal di nos atleta lokal kual pronto lo keda lansá riba nivel lokal i tambe internashonal. Churandy nos ta orguyoso di bo!