CTB ku eksitoso partisipashon na FTI Roadshow Karibe i Latinoamérika

September 25, 2015

WILLEMSTAD- 25 di sèptèmber 2015– Resientemente Ofisina di Turismo di Kòrsou (CTB) a partisipá na e FTI (Frosch Touristik International)Roadshow Karibe i Latinoamérika. Komo parti di e roadshow a bishitá Zürich (Suisa), Mannheim (Alemania), Nuremberg (Alemania), Linz (Oustria) i Vienna (Oustria). Meta di e FTI Roadshow tabata pa informá agentenan di biahe internashonal di destinashonnan i produktonan turístiko for di region Karibe i Latinoamérika. Un roadshow manera esun aki ta resultá perfekto pa posishoná Kòrsou komo un destinashon ideal pa vakashon familiar òf biahe di negoshi.

FTI Roadshow ta organisá pa e operador di tour FTI Group. Ta trata aki di un roadshow ku den transkurso di añanan a tuma lugá pa mas ku 10 biaha. E edishon aki a konta ku asistensia di mas òf ménos 400 agente di biahe i partisipashon di representantenan di diferente ofisina di turismo, hotèlnan i kompania di aviashon. FTI Roadshow Karibe i Latino Amérika tabata un tremendo oportunidat pa ekshibí Kòrsou den merkado turístiko Europeo.

Most recent