Home / Área di Rekreo Marie Pampoen

Bon bini na e pagina di Area rekreativo di MariePampun.
Riba e pagina aki bo por hasi petishon pa e uso di e area rekreativo di MariePampun.
Ofisina di Turismo di Korsou ke sigi brinda nos komunidat uso di e area aki, na un forma responsabel i alabes kumpliendo ku regla nan di distansia sosial.
Porfabor tene kuenta ku area nan disponibel pa reservashon ta Area A, B, C, D i E
Tur petishon lo keda kontesta denter di 2 dia di trabou.
Nos ke pidi tur persona ku hasi petishon, pa porfabor korda pasa door e kriteria nan ku mester kumpli kune pa ku e area aki.

Protokòl di Salud

  1. Kliente ta obligá pa hür 2 tualèt portátil pa e montante di persona permití na kada área, kual unu ta pa hende hòmber i e otro pa hende muhé so hasi uso di dje. Den kada un tualèt portátil mester disponé di ‘hand sanitizer’ pa e bishitante por hasi uso di dje. Mester presentá e faktura na momentu ku ta tuma e pèrmit. Mester laga pone e tualèt portátil riba tera i no riba santu.
  2. Pa aktividat nan ku ta konsistí di un grupo di 15 persona òf ménos, lo mester hür un tualèt portátil ku e mesun kondishon nan menshoná na punto #2.
  3. Mester pèrkurá pa durante e aktividat, e bishitantenan ta disponé di awa i habon pa laba man, papel pa seka man i tambe ‘hand sanitizer’ pa mantené e higiena personal.
  4. Na momentu di e aktividat mester keda mantené e regla di distansia sosial, manera esaki ta wòrdu indiká na e área rekreativo.
  5. Mester pèrkurá pa e área keda limpi durante i despues ku e aktividat kaba. Mester tin sufisiente saku pa tira sushi aden.
  6. Pa aktividatnan di anochi, mester pèrkurá pa e área tin sufisiente iluminashon.
  7. No ta permití pa toka muzik te lat anochi. Pa e motibu aki ta pidi pa stòp di toka 23:00or di anochi I e zonido no mag di surpasá 40 desibèl.
  8. Si bishitantenan tin síntoma nan manera ferkout òf tosamentu lo mester hasi uso di ‘mondkapje’ pa por partisipá na e evento.
  9. Huntu ku e Protokòl aki, e reglanan eksistente lo sigui konta meskos pa tur aktividatnan na e área di rekreo Marie Pampoen.